Die Bybel is Beter as Goud (Hulpmiddels)

Kinders sal tydens hierdie reeks, op 'n interaktiewe manier sowel as deur herhaling leer dat die Bybel is vir ons meer kosbaar as enige skatte soos goud en silwer.

Die kern waarheid vir hierdie reeks is, DIE BYBEL IS BETER AS GOUD.

Daar is 9 lesse wat jy gaan gebruik om een keer 'n week 'n waarheid uit die Woord aan die kinders te leer. Die kernteksvers is Ps 119:72 "Die dinge wat U vir my leer, is beter as duisend stukke goud en silwer."

Hierdie is die les-hulpmiddels vir hierdie reeks en bestaan uit 'n Skatkaart wat dien as 'n Kwartaal oorsig waarop 'n les-prentjie elke week bygevoeg word. Daar is ook 'n skatkaart vir elke week met die kernvers/gedagte daarop aangebring. Die Hulpmiddels word voorsien in 'n hoë kwaliteit PDF en PNG formaat wat afgelaai kan word.